د افغانستان ملي راډیو ټلویزیون د لومړي ځل لپاره په غږیزه بڼه د کابل راډیو په نوم په ۱۳۰۴ لمریز کال خپرونې پیل او بیا یې د افغانستان ملي راډیو په نامه دوام ورکړ. د ۱۳۵۷ لمریز کال کې د زمري په ۲۸مه یې په ټلویزیوني او انځوریزه بڼه خپل نشرات پیل کړل.

د افغانستان ملي راډیو ټلویزیون چې د تاسیس له وخته یې تر ننه په ټولنه او ولس کې خپل ځای ساتلی، په ریښتیني ډول یې د هېواد ملي ګټو او عامه ذهنونو په روښانه کولو کې خپله ملي دنده سرته رسولې ده. یاد ټلویزیون چې په ټول هېواد کې څانګې او نشرات لري، په حقیقت کې د دولت نشراتي ارګان ګڼل کېږي.