د صنعت او سوداګرۍ وزیر نورالدین عزیزي په قرغېزستان کې له مېشتو افغان سوداګرو سره د هغوی د ستونزو د اورېدو او د پیغامونو او وړاندیزونو د ترلاسه کولو په موخه لیدنه وکړه.
په دې لیدنه کې د صنعت او سوداګرۍ وزیر ویلي، په افغانستان کې د اقتصادي ودې، سوداګرۍ او پانګونې لپاره ګڼې اسانتیاوې رامنځته شوې دي.
همدارنګه ښاغلي عزیزي د دولتي ادارو له هر اړخیزې همکارۍ او د افغان د چارواکو له لوري د راستنېدونکو او افغان پانګهوالو د هرکلي په ټینګار سره له هغوی غوښتي، چې خپل هېواد ته راستانه شي او د خپلو هېوادوالو لپاره د کار زمینه برابره کړي.