د رياست الوزرا اقتصادي مرستيال ملا عبدالغني برادر اخوند په مشرۍ اقتصادي کميسیون غونډه کې د غزني ولايت په مرکز کې د کرنې، اوبولګولو او مالدارۍ وزارت پر ځمکه د سړې خونې او کارخانو د جوړولو طرحه تاييد شوه.
د رياست الوزرا اقتصادي معاونیت وایي، چې افغانستان يو کرنيز هېواد دی، خو د سړو خونو د نشتوالي او ګاونډیو له لوري پر کرنيزو محصولاتو موسمي تعرفو لوړولو او سوداګریزو لارو بندولو یې ملي اقتصاد، کرنېر محصولات او بزکران له مالي زیانونو سره مخ کړي.
د یاد معاونیت په وینا، د يادو ستونزو د مخنیوي په موخه هر هغه شرکت يا انفرادي متشبث چې د سړو خونو جوړولو په برخه کې پانګونه کوي، پینځه کلن مالياتي معافيت ورکول کېږي.