د صنعت او سوداګرۍ وزیر نورالدین عزیزي خصوصي سکټور ته د لا زیاتو اسانتیاوو برابرولو په موخه د صنعت او سوداګرۍ له ولایتي رییسانو سره انلاین غونډه کړې ده.
صنعت او سوداګرۍ وزارت وایي، په دې ناسته کې د هغو شرکتونو په اړه چې د کار جواز نه لري، د عوایدو راټولولو مرکزونو، خصوصي سکټور ته د اسانتیاوو برابرولو او یو شمېر نورو اړوند مسایلو په تړاو خبرې شوې دي.
نورالدین عزیزی په دې ناسته کې د خصوصي سکټور پر قانوني فعالیتونو ټینګار کړی او ولایتي رییسانو ته یې لارښوونه کړې، چې خصوصي سکټور ته د فعالیت جواز ورکولو په برخه کې جدي پاملرنه وکړي.