د امریکا ولسمشر ډونالډ ټرمپ د ټولنیزو رسنیو په یوه پیغام کې ویلي، چې اسرائیلي رژیم له غزې تړانګې څخه د شاتګ لومړنی پړاو ومانه.
ټرمپ زیاته کړې، د حماس اسلامي غورځنګ له تایید وروسته به اوربند او د بندیانو تبادله پیل شي، چې دغه کار بل پړاو له فلسطیني سیمو د اسرائیلي اشغالګرو وتلو ته زمینه برابروي.
دا په داسې حال کې ده، چې حماس اسلامي غورځنګ هم د ټرمپ د طرحې له یو شمېر اساسي برخو چې پکې د بندیانو خوشې کول او د فلسطین خپلواک پلاوي ته د غزې د ادارې سپارل شامل دي هوکړه کړې ده.