د اوبو او انرژي سرپرست وزیر ملا عبداللطیف منصور د لوګر له مشرانو سره لیدنه کړې او په هغه ولایت کې یې د اوبو او انرژي پروژو په هکله خبرې کړي.
د لوګر ولایت مشرانو د اوبو او انرژي پروژو په ځانګړې توګه د خروار بند د جوړولو غوښتنه کړې.
د اوبو او انرژي سرپرست وزیر ویلي، چې د خروار بند د دغه وزارت په کاري لومړیتوبونو کې ځای لري او اوسمهال یې تدارکاتي چارې پرمخ وړل کېږي.
سرپرست وزیر ډاډ ورکړی، چې د لوګر ولایت د خلکو د اوبو او برېښنا ستونزو ته به هم د شته امکاناتو په پام کې نیولو سره رسیدګي وشي.