کورنیو چارو وزارت ستر امنیتي مرستیال سترپاسوال ملا محمد ابراهیم صدر د رسمي ولایتي سفرونو په ترڅ کې پنجشېر ولایت ته سفر کړی.
کورنیو چارو وزارت وایي، چې امنیتي مرستیال او مل پلاوي د دغه ولایت له والي حافظ محمد اغا حکیم، امنیه قومندان قاري احمدالله بدر، د استخباراتو رییس مولوي هجرت، د لوا قومندان مولوي مسافر، علمای کرامو، قومي مشرانو او ولسي استازو سره لیدنه لیدنه کړې ده.
په دغه لیدنه کې، ښاغلي صدر د ولسونو له ملاتړ او همکارۍ مننه کړې او د اشغال په وخت کې یې له اسلامي امارت سره د ولسونو همکارۍ ستایلې دي.
دغهراز امنیتي مرستیال په پنجشېر کې د امنیتي ادارو تر منځ د شته همکارۍ او همغږۍ قدرداني کړې او ویلي یې دي:”د ولس خدمت زمونږ او ستاسې وجیبه ده او باید په ښه توګه یې تر سره کړو، د دولتي ادارو دروازې باید د ولس پر مخ خلاصې وي او ستونزې یې واورېدل شي او هغوی ته باید رسېدنه وشي.”
همدارنګه ملا محمد ابراهیم صدر د پنجشېرولایت له والي، امنیه قومندان او نورو مسوولینو ته سپارښتنه کړې، چې هرې ولسوالۍ او سیمې ته لاړ شي او د خپلو منسوبینو او ولسونو سره له نږدې وګوري.
ښاغلي صدر د خپلو خبرو په لړ کې له ټولو منسوبینو غوښتي، چې د ټاکل شوي یونیفورم څخه استفاده وکړي، د عاليقدر اميرالمؤمنين حفظه ﷲ تعالی فرمانونه او احکام په پوره توګه پلي کړي، د ولس لا ډاډمن امنیت نیولو ته پوره پاملرنه وکړي او له ولس سره نېک چلند خپل کړي.