د روسیې د لومړي وزیر مرستیال الکسي اورچوک د روسیې ۲۴ تلویزیوني شبکې سره په یوې تازه مرکه کې ویلي، چې روسیه د نړۍ له سویلي هېوادونو سره د ترانسپورټي اړیکو د پراخولو لپاره په افغانستان کې د اوسپنې پټلۍ جوړولو او پراخولو ته لېواله ده.
ښاغلي اورچوک زیاته کړې، چې د افغانستان په ټوله خاوره کې د اورګاډي د پټلۍ د جوړولو لپاره انتخابونه تر بحث لاندې دي او روسي متخصصین اوس مهال د افغانستان په خاوره کې د ریل پټلۍ د امکان سنجونې په اړه مطالعه کوي.