د اطلاعاتو او کلتور وزارت وایي، چې د اروپايي ټولنې مرستیال بنجامین د یادې ټولنې د کلتوري برخې مسولې سینډرا په ملتیا د ملي ارشيف څخه لیدنه وکړه.
د اروپايي ټولنې مرستیال ښاغلي بنجامين د ملي ارشیف د تاريخي نسخو ساتنه يو ستر تاريخي اقدام بللی او په وینا یې تاریخي اثارو ته په کتو افغانان له خپل کلتور او تاريخي آثارو سره بې سارې مينه لري.
د ملي ارشیف رییس قاري عبید الله حنیف د اروپايي ټولنې له پلاوي څخه غوښتي، تر څو د اروپايي هيوادونو له ارشیفونو سره د افغانستان د ملي ارشیف د اړیکو جوړولو برخه کې مرسته وکړي.