په نوي ډیلي کې د افغانستان سفارت سرپرست مفتي نوراحمد نور د هند د بهرنیو چارو وزارت د افغانستان، ایران او پاکستان د برخې له عمومي مسول انند پرکاش سره لیدنه کړې.
هند کې د افغانستان سفارت وایي، چې په دې لیدنه کې د دوه اړخیزو سیاسي او اقتصادي اړیکو، د سوداګرۍ پراختیا، د ویزو د ورکړې او د سوداګرو د ستونزو او هند کې د مېشتو افغان محصلینو په تړاو خبرې شوې دي.
د دې سفارت په وینا، دغه راز دواړو لوریو د افغانستان او هند ترمنځ د دوه اړخیزو همکاریو او تعاملاتو پر پراختیا ټینګار کړی دی.