د کډوالو او راستنېدونکو چارو وزیر مولوي عبدالکبیر د کندوز د کلباد ولسوالۍ له یو شمېر علماوو او مخورو سره وکتل.
د کډوالو او راستنېدونکو چارو وزارت وایي، په دې کتنه کې یادو قومي مشرانو د اسلامي امارت پر همکارۍ خوښي وښوده او خپلې ستونزې او غوښتنې یې له مولوي عبدالکبیر سره شریکې کړې.
ورته مهال مولوي عبدالکبیر وویل، اسلامي امارت له توپـــیر پرته د هر افغان د ستونزو د حل لپاره هڅه کوي او اسلامي نظام د ټولو ګډ کور دی.
د کډوالو وزیر دغه راز د کندوز د کلباد ولسوالۍ د اوسېدونکو د ستونزو د حل ډاډ ورکړ.