په دوحه کې د افغانستان د اسلامي امارت سفیر محمد سهیل شاهین د قطر د بهرنیو چارو د وزیر له ځانګړي استازي فیصل بن عبدالله آل حنزاب سره لیدنه کړې.
قطر کې د افغانستان اسلامي امارت سفارت وایي، چې په دې لېدنه کې ، دواړو لوریو د افغانستان او قطر ترمنځ د دوه اړخیزو اړیکو په افغانستان کې د پانګې اچونې، د زراعت عصري کولو، سوداګرۍ، سیاحت او د علاقې وړ نورو برخو کې د ګډو همکاریو په اړه خبرې شوې دي.
همدارنګه په پای کې په یادو برخو کې د همکارۍ په زیاتولو ټینګار شوی دی.