د سوریې ولسمشر احمد الشرع تېره ورځ (دوشنبه، د جنوري ۱۹مه) د امریکا له ولسمشر ډونالډ ټرمپ سره ټلیفوني خبرې کړي.
د سوریې دولتي خبري اژانس «سانا» راپور ورکړی، چې په دې ټلیفوني اړیکه کې دواړو لوریو د سوریې په یووالي او د ځمکنۍ بشپړتیا پر اهمیت، د ثبات رامنځته کولو هڅو ملاتړ او د سوریې د دولت په چوکاټ کې د کُردانو خوندیتوب او د دوی د حقونو تضمین باندې ټینګار کړی.
دواړو لوریو دغه راز هوکړه کړې، چې په ګډه به د داعش او د دې ډلې د ګواښونو له منځه وړلو ته دوام ورکړي.