د ملګرو ملتونو د ماشومانو د ملاتړ وجهي صندوق (یونېسف) ویلي، برېتانیا په افغانستان کې د تر ټولو زیانمنو ماشومانو او مېندو د خوارځواکۍ د مخنیوي او درملنې لپاره ۸ میلیونه پونډه مرسته کړې.
دغه مرسته به د یونېسف، د ملګرو ملتونو د خوړو او کرنې سازمان او خوړو نړیوال پروګرام له لوري « د لومړنۍ تغذیې نوښت» طرحې په چوکاټ کې افغانستان کې ولګول شي.
د یادونې وړ ده، چې دغه پروګرام په مستقیمه توګه شاوخوا ۱۵۰ زره ماشومان او ۶۴۰ زره شېدې ورکوونکې مېرمنې تر پوښښ لاندې راولي.