د بهرنيو چارو وزیر مولوي امیرخان متقي د سره صلیب او سرې میاشتې ټولنو نړیوال فدراسیون د اسیا او ارام سمندر د سیمې له مسول الکساندر متيو او مل پلاوي سره لیدنه کړې.
په دې لیدنه کې د راستیندونکو افغان کډوالو او د طبیعي پېښو له زیانمنو سره د بیړنیو مرستو، د دوی د اساسي اړتیاوو، او د صحت په برخه کې د همکاریو په اړه خبرې شوې دي.
په دې لیدنه کې د بهرنیو چارو وزیر له افغانانو سره د ایاد فدراسیون مرستې وستایلې او زیاته یې کړه، چې اسلامي امارت د کډوالو مدیریت لپاره ټول امکانات په کار اچولي دي.
همدا راز ښاغلي متيو ویلي، غواړي چې افغانستان ته د خپل سفر په ترڅ کې د بشري مرستو اړوند اړین معلومات راټول او د مرستو د تشې کمولو لپاره له اړونده لورو سره خپلې هڅې جاري وساتي.