د افغانستان فوټبال فدراسیون رییس محمد یوسف کارګر د فوټبال اسیايي شورا په رسمي ناسته کې د افغانستان فوټبال پرمختګ لپاره د څو سترو پروژو قراردادونه ترلاسه کړي.
په دغو قراردادونو کې د هرات او غزني ولایتونو فوټبال لوبغالو بیا رغونه او په لوګر ولایت کې د یو نوي لوبغالي جوړېدنه شامل دي.
همداراز په دغه ناسته کې د کندهار او بلخ د لومړنیو فوټبال لوبغالو رغونه نهايي شوې ده، چې ډېر ژر به یې قرارداد وشي.
د دغو لاسته راوړنو تر څنګ په یاده ناسته کې د فوټبال اسیايي شورا سره په بدخشان کې د فوټبال نوي سټیډیم جوړونه او د کابل فوټبال سټیډیم بیا رغونه شریک شوي دي.