د افغانستان برېښنا شرکت وایي، د پلخمري – کابل وارداتي برېښنا لېږد ۲۲۰ کېلوولټ مزي دویم پرې شوی سرکېټ په لنډ مهاله توګه بېرته ونښلول شو.
دغه شرکت زیاتوي، چې د دې سرکېټ په نښلولو سره به د پروان، پنجشېر، کاپیسا، کابل، لوګر، پکتیا، خوست، ننګرهار، لغمان، میدان وردګ او غزني ولایتونو برېښنا په تدریجي توګه بېرته عادي حالت ته راوګرځي.
د یادونې وړ ده، چې د درنو واورو اورښت او شدیدو توپانونو له امله د سالنګونو په شاول سیمه کې د اوزبیکستان د وارداتي برېښنا لېږد مزي یوه پایه نړېدلې وه او یو سرکېټ پرې شوی و.