د اطلاعاتو او کلتور وزارت د ګرځندوی، مالي او اداري چارو مرستیال مولوي قدرت الله جمال د لويې پکتیا له قومي مخورو سره د سیاحتي ځایونو د تنظیم او پراختیا، په ګرځندوی برخه کې ځوانانو ته د کاري فرصتونو برابرولو او يو لړ نورو ستونزو او وړانديزونو اورېدو په موخه لیدنه کړې.
اطلاعاتو او کلتور وزارت وایي، چې دغه لیدنه د سیاحتي ځایونو د تنظیم او پراختیا، ګرځندويۍ برخه کې ځوانانو ته د کاري فرصتونو برابرولو او د یو شمېر نورو ستونزو شریکولو په تړاو شوې ده.
په دې لیدنه کې قومي مشرانو د ولسونو ترمنځ د ځنګلونو او سیاحتي ځایونو په برخه کې شته ستونزو ته په اشارې ویلي، چې د لویې پکتیا ولسونه د ګرځندویۍ سکتور د پیاوړتیا په برخه کې د اطلاعاتو او کلتور وزارت سره بشپړې همکارۍ ته چمتو دي.
دغهراز د ګرځندوی، مالي او اداري چارو مرستیال مولوي قدرتالله جمال د ګرځندوی سکتور پیاوړتیا باندې ټینګار کړی او ویلي یې دي؛ د هېواد د اقتصادي ودې په برخه کې د ګرځندوی سکتور پیاوړتیا اړین رول لري، چې يوه لویه برخه يې د هېواد ځنګلونه تشکيلوي، د ټول هېواد له ځنګلونو څخه به د ګرځندوی سکتور په پراختیا کې په پراخه کچه ګټه واخېستل شي، دا سکتور د ولسونو په همکاریو سره پیاوړی کیږي.
په پای کې نوموړي د لویې پکتیا د ولسي ستونزو د حل او وړاندیزونو ته د رسېدنې ډاډ ورکړی او زیاته کړې یې ده؛ د ګرځندوی، مالي او اداري چارو معینیت هڅې کوي، ترڅو د لویې پکتیا ښکلو سیاحتي ځایونو ته لا ډېر کورني او بهرني ګرځندویان جذب کړي.