په دوحه کې د افغانستان اسلامي امارت سفیر محمد سهیل شاهین، د قطر دولت د ښاروالۍ وزیر عبدالله بن حمد بن عبدالله العطیه سره کتلي.
په قطر کې د افغانستان سفارت وايي، په دې لیدنه کې دواړو لوريو د کابل او دوحې د ښاروالیو ترمنځ د ګډو همکاریو پراختیا په اړه خبرې وکړې.
د یاد سفارت په وینا، دواړو لوریو د سړکونو جوړولو او بیارغونې، د هوایي او ځمکنیو پلونو جوړولو، د ظرفیت لوړونې پروګرامونو او یو شمېر نورو اړوندو موضوعاتو په اړه خبرې کړې دي.