د افغانستان کرېکټ ملي لوبډله د ۲۰۲۶ کال د شلاوریز نړیوال جام سیالیو ته د چمتووالي په لړ کې نن خپله لومړۍ تمریني لوبه د سکاټلینډ پر وړاندې ترسره کوي.
د افغانستان کرېکټ بورډ د معلوماتو له مخې، دغه تمریني لوبه به د هند د بنګلور ښار په لوبغالي کې نن ماسپښین دوه بجې پیل شي.
سرچینه زیاتوي، افغان ملي لوبډله به د نړیوال جام لپاره د چمتووالي په موخه خپله دویمه تمریني لوبه د روانې فبروري میاشتې په څلورمه نېټه د وېسټانډیز پر وړاندې ترسره کړي.
د یادونې وړ ده، چې د ۲۰۲۶ کال د شلاوریز کرکټ نړیوال جام سیالۍ به د فبروري میاشتې په اوومه نېټه د هند او سریلانکا په کوربهتوب پیل شي.
افغان ملي لوبډله به په دغو سیالیو کې خپله لومړۍ رسمي لوبه د فبروري میاشتې په اتمه نېټه د نیوزلینډ پر وړاندې ترسره کړي.