د کورنیو چارو وزارت خبر ورکړی، چې د نشهيي توکو پر وړاندې د مبارزې معینیت د دفتر د رییس مولوي حسیب الله احمدي په مشرۍ یو اته کسیز پلاوی، چې پکې د یاد معینیت یو شمېر رییسان او د عامې روغتیا وزارت مسولین شامل دي، د اندونیزیا پلازمېنې جاکارتا ته په رسمي سفر تللی.
یاد وزارت وايي، چې افغان پلاوی به د نشهيي توکو پر وړاندې د مبارزې او د روږدو درملنې برخه کې د ګډو هڅو په موخه جوړه شوې ناسته کې ګډون وکړي.