د صنعت او سوداګرۍ وزیر نورالدین عزیزي د ایران د نفتو وزارت د سوداګریزو او نړیوالو چارو مرستیال سیدمحمد موسوي او مل پلاوي سره لیدنه کړې.
په دې لیدنه کې سیدمحمد موسوي افغانستان ته د نفتو او ګازو صادراتو د هېواد تصفیه خونو کارمندانو روزنې په برخه کې چمتوالی ښودلی او همدارنګه ښاغلي عزیزې ته ایران ته د سفر بلنه ورکړې.
ورته مهال د صنعت او سوداګرۍ وزیر د کیفیت معیارساتلو پر تینګار سربېره د نرخونو د کموالي، د ایران له لارې د نفتي موادو او اوبلنو ګازو د ترانزیټ په برخه کې د اسانتیاوو رامنځته کولو غوښتنه کړې.