د ایران د نفتو وزارت د نړیوالو او سوداګریزو چارو مرستیال سید علي محمد موسوي د افغانستان د سوداګرۍ او پانګونې خونې له رییس سید کریم هاشمي او غړو سره لیدنه کړې.
کابل کې د ایران سفارت وایي، ښاغلي هاشمي په دې لیدنه کې د افغانستان او ایران د خصوصي سکتورونو ترمنځ د سوداګرۍ او نفت او ګازو صنایعو په برخه کې د همکاریو د پراختیا غوښتنه کړې ده.
ورته مهال، ښاغلي موسوي د انرژۍ بنسټونو د پیاوړتیا او افغانستان ته د نفتي موادو د ترانزیټ او صادرلو په برخه کې د ایران د چمتووالي اعلان کړی دی.