د عامې روغتیا وزیر مولوي نور جلال جلالي د افغانستان لپاره د روغتیا نړیوال سازمان له مشر ایډوین سنیزا، د یاد سازمان د پولیو برخې مشر ډاکټر محمد جمال او نورو مسوولینو سره لیدنه کړې.
عامې روغتیا وزارت وايي، په دې لیدنه کې د پولیو ناروغۍ د تشخیص اړوند د پولیو لابراتوار د کارکوونکو پر ظرفیت لوړونې، د پولیو د تشخیص لابراتوار د څانګو پر پراختیا او تمویل، د پولیو ناروغۍ سره پر مبارزې او محوه کولو، د روغتیایي خدماتو پر پراختیا، ظرفیت لوړونې او د راتلونکو تخنیکي ناستو پر اجنډا او اړوندو موضوعاتو په اړه خبرې شوې دي.
مولوي نور جلال جلالي ویلي؛ د پولیو ناروغۍ د تشخیص لابراتوار باید لا فعال او په هر اړخیزه توګه یې تمویل او تجهیز وشي.
نوموړي همدا راز د روغتیا نړیوال سازمان د مسولینو څخه د زیاتې پاملرنې او بیړنیو اقداماتو غوښتنه کړې، تر څو د پولیو د تشخیص لپاره ټول امکانات پر کور دننه برابر او تشخیص یې پر وخت او په معیاري توګه تر سره شي.