د فلسطین عامې روغتیا وزارت وايي، چې پرون چهارشنبه د غزې پر بېلا بېلو سیمو د صهیونیستي رژیم په بریدونو کې ۶۵ کسان شهیدان او له ۱۰۰ زیات ټپیان شوي دي.
یاد وزارت تېره دوشنبه اعلان وکړ، چې د میزان له ۱۵ مې تر اوسه د صهیونیستي اسرائیلو په بریدونو کې ۱۰ زره او ۲۲ فلسطینیان په شهادت رسېدلي، چې له شپږ زرو زیات یې ښځې او ماشومان دي.
له بل لوري پر غزه تړانګه د صهیونیستي اسرائیلو د ځمکني برید له پیل څخه تر اوسه یې ۱۳۶ زرهي ټانکونه او تجهیزات د مقاومت په پایله کې له مینځه وړل شوي دي.
ویل کېږي چې غزه کې د صهیونیستي رژیم ځمکني عملیات له ټینګ مقاومت سره مخ شوي او درانه تلفات ور اړول شوي دي.