ورځ: دوشنبه
۱۴۴۵/۴/۲۹ هـ ق
۱۴۰۲/۰۸/۲۲ هـ ش
تورخم
د ثبت، تثبيت او استقبال کمېټه:
د مهاجرينو ۳۱۸ کورنۍ چې د وګړو شمېر يې یو زر او ۶۷۵ تنه کيږي؛ ثبت او بايوميټرک شوې او ۱۹۳ کورنۍ تثبيت شوې، چې ۱۷۴ کورنۍ مهاجرين او ۱۹ نورې يې تقلبي وګڼل شوې.
همدا راز دوه زره او ۶۹ سيمکارتونه هم په کډوالو وېشل شوي دي، چې له دې سره تر اوسه د ټولو ويشل شویو سيمکارتونو شمېر ۳۲ زره او ۴۷۰ ورسېد.
د اطلاعاتو او عامه پوهاوي کمېټه:
د عامه پوهاوي په موخه له مهاجرينو سره پینځه بېلابېلې ناستې او د ايي او ايم له استازو سره د ستونزو د حل په موخه دوه ناستې ترسره شوې او د کډوالو هغه فورمې چې له دې دفتر څخه خلاصيږي، ياده کمېټه به يې له دې وروسته په وېش کې برخه اخلي، لسګونه مهاجرينو ته په بېلابېلو برخو کې معلومات ورکول شوي او نږدې ۱۵۰ ورقې ورک شوې اسناد پيدا او خپلو خاوندانو ته سپارل شوي.
د خدماتو او روغتيايي چارو کمېټه:
دې کمېټې په کمپ کې ۲۲ زره او ۵۰ تنو کډوالو باندې خواړه وېشلي او د بېلابېلو خيريه بنسټونو څخه يې ۱۰۰ کمبلې، ۱۲۰ فرشونه، ۲۰۰ بستې معدني اوبه، ۴۹۰ ښځينه او نارينه څادرونه ترلاسه کړي او په اړمنو کډوالو ويشل شوي دي.
د تورخم د مسولينو په وينا د (ربیع الاول ۲مه/ وږي ۲۶ مې) څخه تر اوسه ۳۵۰ زره راستانه شويو مهاجرينو ته ډوډۍ ورکړل شوې ده. ۲۰۱ خالد بن وليد قول اردو د روغتیايي خدمتونو په برخه کې د یو زر او ۹۴۰ بېلابېلو ناروغانو تداوي شوې.
همدا راز د سرې مياشتې د روغتيايي برخو څخه اته زره او ۷۶۰ ناروغانو ته او پي ډي خدمات وړاندې شوي او یو زر او ۲۹۰ مېرمنو ته د ناروغيو په اړه مشورې ورکړل شوي.
د موقتي ميشت کولو کمېټه:
دې کمېټې نن ۲۰۰ کورنيو ته خواړه چې تازه ميوه هم پکې وه، د يو تن ملي سوداګر له لوري ترلاسه شوې وه، په کډوالو ووېشل شول، همد راز ۱۰۰ کمبلې يې په اړمنو کډوالو ووېشلې، په کمپ کې د ۱۶ متره پل جوړېدو نقشې د تطبيق څارنه کړې او په ۱۳ ټانکرونو کې يې د کمپ ۱۴۰ د اوبو ذخيرې ډکې کړي دي، ۴ ذخيرې ترميم شوي او د ۱۰ نورو ذخيرو لپاره کندې وېستل شوي.
د مساجدو او زده کړو د تنظيم کمېټه:
دې کمېټې د جماعت لمانځه ته د خلکو راجلبولو او لمانځه د اهميت په اړه هلې ځلې زياتې کړي، په جوماتونو کې مسايل او دعوتي ويناوې ترسره شوي او یو شمېر ماشومانو باندې يې قرطاسيه ووېشله.
د ټرانسپورټ او انتقال کمېټه:
د تورخم تر کمپ پورې په ۱۸ موټرو کې چې ۲۸ دورې يې وکړې؛ مهاجرين په خوندي توګه ورسول شول، همدا راز له کمپ څخه بېلابېلو ولایتونو کې خپلو سيمو ته په ۳۳ عرادې بېلابېلو وسايطو کې ۲۰۶ کورنۍ چې د غړو شمېر يې یو زر او ۱۶۹ تنه کېدل ولېږودول.
د مالي چارو د تنظيم کمېټه:
نن ورځ ۵۵۰ کورنيو ته د هرې کورنۍ په سر ۱۰ زره افغانۍ ورکړل شوې، چې له دې سره، هغه کورنۍ چې تر دا مهاله ورسره مالي مرسته شوې ده، شمېر يې ۱۳ زره او ۹۵۰ کورنيو ته ورسېد.
د کاري فرصتونو کمېټه:
نن د دوشنبی په ورځ ګران هېواد ته ۴۵ تنه بکلوريا، ۱۰ فوق بکلوريا، ۳ ليسانس، ۱۴ د قرآن کريم حافظان، د حديث شريف د وړې دورې ۲ تنه طالبان، ۴۰۲ د مسلکي زده کړو درلودونکي او ۸۳۸ تنه غريبکار مهاجرين راستانه شوي دي.
سپین بولدک
د سپين بولدک له لارې ۷۴۶ کورنۍ چې د غړو شمېر يې څلور زره او ۷۷ تنه کېدل او درې بې سرپرسته ماشومان خپل هېواد ته راستانه شوي، ثبت او بايوميټرک شوي او د مرستې لپاره ايي او ايم ته ورپېژندل شوي، ټولو کورنیو ته لس زره افغانۍ ورکول شي.
د موقتي ميشت کولو کمېټه:
د کندهار تخته پل سيمه کې د مهاجرينو لپاره د موقت ميشتدنېچارې روانې دي چې په نږدې راتلونکې کې به بشپړې شي.
د ټرانسپورټ او انتقال کمېټه:
له سپين بولدک څخه ۲۹۸ کورنۍ چې د غړو شمېر يې یو زر او ۸۹۰ تنه کېدل، په ۵۱ مختلف النوعه موټرو کې د کندهار، هرات، کابل، زابل، غزني او ارزګان بېلابېلو ولسواليو کې خپلو کورونو ته انتقال کړل، او دې کورنيو ته يې ۲۲۷ زره افغانۍ کرايه ورکړه.
پکتیکا
د ثبت، تثبیت او استقبال کمیټه:
د انګور اډې ۱۱ کورنۍ، چې د افرادو شمېر یې ۷۹ تنه کيږي، راستنې او ثبت او بايوميټرک شوي دي او ۲۴ عدده سيمکارټونه وېشل شوي دي.
اطلاعاتو او عامه پوهاوي کمېټه:
مهاجرينو ته د بېلابېلو موضوعاتو په اړه معلومات ورکړل شول، ۳ رسنيو سره معلومات شريک شول، د کمېټو په اړه معلوماتي بنرونه نصب شول.
د ټرانسپورټ او انتقال کمېټه:
د انګور اډې سيمې څخه په مختلف النوع وسایطو کې مهاجرينو کمپ ته را انتقال کړل شول او بېلابېلو سيمو ته ۱۱کورنۍ چې د وګړو شمېر يې ۷۹ تنه کيږي له کمپ څخه خپلو ولسواليو ته انتقال شول.
د مؤقتي میشت کولو کمېټه:
د ښرنې کمپ کې ۳۰ خيمې ودرول شوې، په کمپونو کې د نارينه او ښځينه و لپاره تشنابونه جوړ کړل شول، د انګور اډې او تروې کمپونو کې ۲۲ خيمې ودرول شوې.
یو زره او ۵۰۰ لېټره د څښاک اوبه د انګور اډې کمپ اوسېدونکو ته برابرې شوې وې.
د خدماتو او روغتيايي چارو کمېټه:
د ۷۷ بېلابېلو ناروغانو تداوي شوې او ۱۵ تنه نور واکسين شوي، ۱۳ تنو ته روغتيايي مشورې ورکړل شوي، ټولو راستانه شويو کډوالو ته د سهار، غرمې او ماښام ډوډۍ ورکړل شوه. تازه راستنېدونکو مهاجرينو لپاره د شپې تېرولو ځای او اړين توکي برابر شول.
د مالي چارو د تنظیم کمېټه:
د مالي چارو د تنظیم کمېټې له لوري ۱۱ راستنو شویو مهاجرو کورنیو سره مرسته شوې او هرې کورنۍ ته لس- لس زره افغانۍ ورکول شوې دي.
زابل
دې کمپ تازه راستانه شویو کورنيو ته ۷۵ باب خيمې انتقال او ودرول شوې.
هرات:
د اسلام کلا له لارې ۴۰ کورنۍ چې ۱۳۶ تنه کيږي په جبري توګه راستانه شوي دي او یو زر او ۳۴۵ تنه نور مجردان په جبري او یو زر او ۵۴۳ نور داوطلب مجردان او ۴۲ کورنۍ او مجردان چې د وګړو شمېر يې ۲۹۸ تنه کيږي، د مرستې لپاره ايي او ايم ته معرفي شوي.
د جوماتونو او زده کړو د تنظيم کمېټه
کمېټې غړو د اسلام کلا مهاجرينو کمپ کې مسؤلينو ته د جومات لپاره ځای ځانګړي کولو سپارښتنه وکړه.
نيمروز:
د نيمروز له لارې ۲۵ کورنۍ مهاجرين چې ۹۴ تنه کيږي، راستانه شول، ۲۲ کورنۍ چې ۸۰ تنه کيږي، په لنډمهاله کمپ کې ورته د موقت استوګنې امکانات برابر شول او د مرستې لپاره ای او ایم په وروپېژندل شول.
همدا راز ۲۲ زره او ۵۷ تنه مجرد کډوال هم را ستانه شوي، چې له جملې يې ۵۲ تنه ايي او ایم ته د مرستې لپاره معرفي شول.
د جوماتونو او زده کړو د تنظيم کمېټه
مسولينو د نيمروز مهاجرينو په کمپ کې يو باب جومات پرانیست او د کمپ اوسېدونکو ته يې په جماعت د لمونځ کولو سپارښتنه وکړه.
د کډوالو ستونزو ته د رسېدنې عالي کمېسیون دارالانشاء