د المپيک ملي کمېټې او سپورټ لوی ریيس مولوي احمد الله وثيق کندهار ته د خپل رسمي سفر په ترڅ کې د کندهار ورزش ریاست اړوند غازي محمد ایوب خان(باغ عمومي) ورزشي لوبغالي څخه لیدنه کړې.
د یادې لیدنې پر مهال چې د کندهار ورزش ریاست رییس حافظ محمود اغا بشر او د کندهار ورزش ریاست نورو مسولینو شتون درلود.
د کندهار بدني روزنې او ورزش رییس حافظ محمود اغا بشر د غازي محمدایوب خان ورزشي لوبغالي اړوند د لوبغالي احاطې دېوال رغولو، په دې لوبغالي کې د واليبال میدان ترميم، د رزمي او نورو ورزشونو لپاره د ريګ جوړلو غوښتنه او وړاندیزونه کړي.
د المپيک ملي کمېټې او سپورټ عمومي ریيس مولوي احمد الله وثيق ډاډ ورکړی، چي په را روان مالي کال کې به د لوبغالي د ترمیم لپاره د کندهار ورزش ریاست ته بودیجه ځانګړې کړي، چې په واسطه به یې د یاد لوبغالی او د لوبغالي اړوند نوري برخې ترميم شي.