د بهرنیو چارو وزارت سیاسي مرستیال شیر محمد عباس ستانکزي سره د افغانستان لپاره د بریتانیې شارژدافیر رابرټ ډکسن لیدنه کړې.
د بهرنیو چارو وزارت سیاسي مرستیال د برتانيې له خوا د شويو بشري مرستو مننه کړې او ویلي يي دي؛ اسلامي امارت له ټولو اړخونو سره خبرې او تعامل د هېواد، سيمې او نړۍ په ګټه بولي.
د افغانستان لپاره د بریتانیې شارژدافیر ویلي؛ د برتانيې او افغانستان ترمنځ تعامل به په راتلونکي کې لا زیات شي او دې هدف ته رسيدل مهم دي.
دواړو لوریو په دې ناسته کې پر یو لړ نورو دوو اړخيزو او څو اړخيزو موضوعاتو هم نظریات تبادله کړي.