د افغانستان پیاوړي سوکوهونکي محمد زماني د ټایلینډ په FCC سازمان کې، چې د اسیا او اروپا څخه د ۱۰ هېوادونو لوبغاړو په کې ګډون کړی، خپل ټایلینډی سیال اتیفبوډي سریکند ته ماته ورکړه.
محمد زماني د سوکوهنې په برخه کې د شپږو ګټو او دوه ماتو سره په ۶۳ کیلو وزن کې خپل ټایلینډی سیال اتیفبوډي سریکند، چې د سوکوهنې په برخه کې یې ۱۰ سیالۍ ترسره کړي، شپږ یې ګټلي او څلور یې بایللي، په دویم راونډ کې ماته ورکړه او اوومه بریا یې خپله کړه.
دغه سیالۍ د WBC د اتلولۍ کمربند د لاسته راوړلو په موخه د ټایلینډ هېواد بانکوک ښار کې روانې دي.