د خوست ولایت په صبریو ولسوالي کې د یو زر او ۴۰۰ مترو په اوږدوالي د سوري پان کانال، د ۵۱ ورخونو، یو شمیر پلچکونو د جوړولو او د سوري پان سربند د بیارغولو چارې د ۱۶ میلیونه او ۱۰۰ زره افغانیو په ارزښت بشپړې شوي.
یادې پروژې د شمل خرم خوست سیندیزې فرعي حوزې رییس مولوي عبدالقیوم ثابت، د ولایت مقام استازي، د کرنې او مالدارۍ رییس، د اړیکو دفتر رییس او یو شمیر نورو سیمه ییزو مسولینو او قومي مشرانو په شتون کې ګټې اخیستنې ته وسپارل شوې.
دا پروژې د اړیکو دفتر په مالي ملاتړ د شمل خرم سیندیزې فرعي حوزې تر څارنې لاندې د اتو میاشتو په موده کې پلې شوې، چې پکې سلګونو کسانو ته د کار زمینه هم برابره شوې وه.
د مسولینو په وینا، یاد کانال د ۶۸۸ هکتاره ځمکې د خړوبېدو ظرفیت لري.