د بهرنیو چارو سرپرست وزیر مولوي امیرخان متقي د حنا رباني کهر په مشري راغلي پاکستاني پلاوي سره یاد هېواد کې د افغان بنديانو په خلاصون،د تګ راتګ په برخه کې د اسانتیاوو په رامنځته کولو، د سوداګرۍ او ټرانزیټ پر چټکوالي، د ټاپي، ټاپ او رېل پټلۍ پروژې پر پیل او یو شمېر نورو موضوعاتو خبرې کړې. پاکستاني پلاوي له افغان مهاجرینو سره د ښه سلوک، د تګ راتګ په لارو او د ویزو په ورکړه کې د ستونزو د حل ژمنه کړې او زیاته کړې یې ده، چې له افغانستان سره د سوداګرۍ او ټرانزیټ په پیاوړتیا کې به لازم اقدامات ترسره کړي، ترڅو دوه اړخیزې عامه ګټې خوندي وساتل شي.
پاکستان افغانانو ته د تګ راتګ او ویزې ورکولو په برخه کې د اسانتیاوو رامنځته کولو ژمنه کړې
