په ایران کې د افغان کډوالو ورزشکارانو لپاره د المپیک، بدني روزنې او سپورټ عمومي ریاست د استازولۍ له لوري د یاد هېواد په پلازمېنه تهران کې د اوو استانونو د ۱۰۰ ورزشکارانو ترمنځ د افغان کډوالو منتخبې لوبډلې لپاره د کورش ټاکنیزې سیالۍ ترسره شوې.
په دغو سیالیو کې له سمنان، کرمان، البرز، یزد، قُم، همدان او تهران استانونو څخه د مشرانو په عمري او له ۶۰ کیلو ګرامه څخه تر ۱۰۰+ کیلو ګرامه وزني کټګوریو کې ۱۰۰ ورزش کارانو ګډون کړی و، چې په پایله کې یې اته ورزش کاران په ایران کې د افغان کډوالو ورزش کارانو د کورش لوبډلې ته وټاکل شول.
یادې سیالۍ د کورش اسیايي لوبو ته د لوبډلې د ټاکلو په موخه ترسره شوې چې یوه ورځ یې دوام وکړ.