د هندوستان کرېکټ بورډ اوسنی سکرتر جي شاه پرته له کوم مخالفته د کرېکټ نړیوالې شورا (ICC) د نوي خپلواک مشر په توګه وټاکل شو.
په ۲۰م د اګست د کرېکټ نړیوالې شورا اوسني مشر ګریګ بارکلی، وه نه غوښتل، چې د درېیم ځل لپاره یادې دندې ته دوام ورکړي.
ګریګ به د روان زېږدیز کال د نومبر په میاشت کې خپله دنده پرېږدي او پر ځای به یې جي شاه د دیسمبر په لومړۍ نېټه خپله دنده پیل کړي.
۳۵ کلن جيشاه ژمنه کړې، چې پخپله دوره کې به ټسټ کرېکټ ته لومړیتوب ورکوي.
ښاغلي جيشاه ویلي؛ حال دا چې T20 د کرېکټ په زړه پورې بڼه ده، خو د ټیسټ کرېکټ د لومړیتوب په توګه پاتې کېدل د هر چا لپاره مهم دي، ځکه چې زموږ د لوبې بنسټ جوړوي. دغهراز کرېکټران باید په اوږد فارمټ لوبو کې لوبېدلو ته وهڅول شي.
نوموړي د ICC له غړو بورډونو د دې ستر مسولیت ورسپارلو له امله مننه کړې او ډاډ یې ورکړی، چې په ټوله نړۍ کې به د کرېکټ د معیار لوړولو نه ستړې کېدونکې هلې ځلې وکړي.