د سرحدونو، قومونو او قبایلو چارو وزیر ملا نورالله نوري تېره ورځ د میدان وردګو ولایت له قومي مخورو سره د ځينو سیمه ییزو ستونزو د حل په موخه لیدنه کړې.
په دې لیدنه کې د یاد ولایت مشرانو د اسلامي امارت لاسته راوړنې ستایلي او خوښي يې څرګنده کړې، چې دوی ته الله تعالی ﷻ له څو لسیزو وروسته یو مستحکم نظام ورکړی چې له برکته یې د هېواد ټول قومونه د یووالي په ټغر ناست دی.
دوی په خپله سیمه کې د ځينو ستونزو یادونه کړې او د حل په برخه کې یې د مسولینو د پاملرنې او همکاري غوښتنه کړې.
ملا نورالله نوري قومي مخورو ته له هرکلي وروسته ویلي؛ قوم کوم امتیاز نه دی، بلکې د خلکو د معرفت یوه وسیله ده.
نوموړي زیاته کړې؛ افغان قومونه یوه اسلامي بڼه لري او هرځل د اسلام او خپلې خاورې د دفاع په خاطر، په یوه غږ راټول شوي او د یرغلګرو پر وړاندې یې ځانونه سپر کړي.
ښاغلي نوري یادو قومي مشرانو ته د ستونزو د حل ډاډ ورکړی.