د افغانستان مشهور شاعر، لیکوال او د ادبیاتو څېړونکی واصف باختري له څو کلنې ناروغۍ وروسته د امریکا په کالیفرنیا کې د ۸۱ کلونو په عمر مړ شو.
واصف باختري په ۱۳۲۱ لمریز کال د بلخ په مرکز مزارشریف ښار کې زېږېدلی.
نوموړي د ښوونځي لومړنۍ زده کړې د مزار شریف باختر لېسه او د لېسې دوره د کابل ښار په حبیبیه لېسې کې بشړې کړې او په ۱۳۴۵ لمریز کال کې د کابل پوهنتون د ژبې او ادبیاتو له پوهنځي فارغ شو.
په ۱۳۵۵ کال کې یې د امریکا له کولمبیایي پوهنتون څخه د ښوونې او روزنې په برخه کې د ماسټري سند تر لاسه کړ.
واصف باختري د پوهنې وزارت د تالیف او ترجمې په ریاست کې د ټکس ایډېټر په توګه دنده تر سره کړې او له ۱۳۶۱ تر ۱۳۷۴ کلونو یې د افغانستان د لیکوالانو په ټولنه کې په بېلا بېلو پوسټونو کار کړی.
نوموړی له شلو ډېر شعري کتابونه لیکلي او سلګونه تحقیقي مقالې یې چاپ او نشر شوې دي.
لیکوال او شاعر واصف باختري د ۸۱ کلونو په عمر امریکا کې مړ شو
