د ریاست الوزرا سیاسي مرستیال مولوي عبدالکبير په بېلا بېلو لیدنو کې د پکتیا د جهادي مدرسې له مهتمم شېخ طالب جان ادیب، د پنجشیر جهادي مدرسې له مهتمم شيخ مسیح الله او د لغمان د علماوو شورا رییس شیخ محمد سلیم سره لیدنه کړې.
په پيل کې شيوخو د جهادي مدارسو د ستونزو د حل په اړه خبرې کړي، د جوماتونو او مدارسو پر پراختیا یې ټینګار کړی.
دوی ویلي، دا مهال ګڼ شمېر طالب العلمان په جهادي مدارسو کې په زدهکړو بوخت دي.
د ریاست الوزرا سیاسي مرستیال مولوي عبدالکبير د اسلامي نظام په ټينګښت کې د علماوو ونډه مهمه بللې او ویلي یې دي، د اسلامي امارت مسولین د ښې حکومتولۍ او شرعي احکامو په پلي کولو کې د علماوو لارښوونو ته ځانګړي ارزښت ورکوي.