د ملي دفاع وزارت وایي؛ د دې وزارت اړوند د ځانګړو ځواکونو فرقې قوماندانۍ د څلور میاشتني شرعي دورې د عالي زده کړو د ښوونځي څخه ۹۴۷ تنه ځوان منسوبین د یو لړ مراسمو په ترڅ کې فارغ شول.
په دغو مراسموکې د ځانګړو ځواکونو فرقې مرستیال مولوي ممتاز احمد عمري، د فرقې درستیزوال مولوي محمد اسماعيل مصطفی یو شمیر علماوو، استادانو، د ځانګړو ځواکونو فرقې د قرارګاه اړوند جزوتامونو ګڼ شمیر مسولینو او مجاهدینو ګډون کړی وو.
يادو مراسمو کې علماوو او د شرعي دورې استادانو ځوان منسوبینو ته د شرعي دورې او د هغې د اهمیت په اړه د معلوماتو ترڅنګ د اطاعت او اعداد په اړه بیانونه او لارښونې وکړې.
ورته مهال نویو فارغانو له اسلامي نظام څخه د دفاع او ساتنې په پار بشپړ چمتووالی ښودلی.