په افغانستان کې د جاپان سفير تاکایوشي کورومایا د کډوالو او راستنېدونکو چارو وزیر خلیل الرحمن حقاني سره لیدنه کړې.
په دې لیدنه کې د جاپان هېواد د بشري مرستو په جریان او څرنګوالي خبرې شوي.
د جاپان سفير په خپلو خبرو کې له پاکستانه د را ایستل شویو کډوالو د ښه مدیریت له امله د کډوالو چارو وزارت د فعالیتونو ترڅنګ، په افغانستان کې د ډاډمن امنیت، اداري فساد او مخدره توکو سره د مبارزې په برخه کې د اسلامي امارت د هڅو ستاینه کړې.
تاکایوشي کورومایا ویلي؛ جاپان اراده لري، چې له افغانستان سره خپلو خبرو او اړیکو ته په لوړه کچه دوام ورکړي، نوموړي له افغانستان سره د پخوانیو مرستو یادونه کړې او ډاډ یې څرګند کړی، چې د دغه هېواد مرستې به دوام ومومي.
د کډوالو او راستنېدونکو چارو وزیر نوموړي ته د ښه راغلاست ترڅنګ په بېلا بېلو برخو کې د جاپان له بشري مرستو مننه کړې.
خلیل الرحمن حقاني د راستنو شویو کډوالو او داخلي بېځایه شویو په ستونزو او اړتیاوو رڼا اچولې او د کډوالو لپاره د سرپناه، پوهنې، روغتیا، حرفوي زدهکړو او کاري فرصتونو په برخه کې یې د مرستو غوښتنه کړې.