د کډوالو او بېرته راستنېدونکو چارو وزیر خلیل الرحمن حقاني پکتیا ته د سفر په ترڅ کې د یاد ولایت په شواک ولسوالۍ کې د عبدالله بن مسعود مدرسې حافظانو په فراغتغونډه کې ګډون کړی.
د دې فراغت غونډې په مراسمو کې خلیل الرحمن حقاني ویلي؛ د قران کریم حفظ کول یو لوی فضیلت دی، د قران کریم له نزول څخه لومړی موخه پر قراني لارښوونو عمل او د شریعت او اسلام پر لاره ژوند کول دي.
ښاغلي حقاني په دې مراسمو کې د دیني او عصري زدهکړو پر اهمیت ټینګار کړی او زیاته کړې یې ده، عصري زدهکړې د ټولنې اړتیا ده.
نوموړي زیاته کړې، د علم په واسطه کولی شو د هر ډول یرغل پر وړاندې له ځانه دفاع وکړو.
د یادونې وړ ده، چې په دې فراغتغونډه کې د پکتیا ولایت د علماوو او امربالمعروف رییسانو هم ګډون کړی و.