د احصایې او معلوماتو ملي اداره وایي؛ د روان ۱۴۰۳ کال په وږي میاشت کې د ټول هېواد په کچه د برېښنایي پېژندپاڼو او اسان خدمت ۷۸ وېش څانګو له لارې ۱۳۴ زره او ۴۶۰ هېوادوالو ته برېښنایي پېژندپاڼې وېشلې دي.
د دې ادارې د برېښنایي پېژندپاڼو خدمتونو ریاست د معلوماتو له مخې؛ د روان کال په وږي میاشت کې د وېشل شویو پېژندپاڼو ترټولو ډېرې په کابل ولایت کې ۵۳ زره او ۸۵۰، په هرات کې نهه زره او ۵۰۴، په کندهار کې اته زره او ۶۳۰، ننګرهار کې اته زره او ۴۸۵ او بلخ ولایت کې شپږ زره او ۴۹۸ برېښنایي پېژندپاڼې وېشل شوې دي.
له بل لوري په یاده میاشت کې د ټول هېواد په کچه ۱۲ زره او ۳۰۰ نورو کسانو ته د برېښنایي پېژندپاڼو له وېش وروسته خدمتونه هم وړاندې شوي دي.
د یادونې وړ ده، چې د احصایې او معلوماتو ملي اداره د هېواد په کچه ټولو هېوادوالو ته پر وخت او متوازن خدمتونه وړاندې کړي، په همدې اساس یې د هېواد په کچه د برېښنایي پېژندپاڼو د وېش لړۍ لرې پرتو سیمو او ولسوالیو ته غځولې ده، چې د یادو سیمو اوسېدونکي په اسانۍ سره کولای شي خپلې برېښنایي پېژندپاڼې ترلاسه کړي.