په کندوز ولایت کې د لوړ وزن لرونکو وسایطو د کنټرول په موخه د یوه پایې تلې (ترازو) تعمیر د ۷.۵ میلیونه افغانیو په ارزښت رغول کیږي.
د ټولګټو وزارت له لوري د کندوز ولایت اړوند د دشت ارچې ولسوالۍ درې لارې په دشت ابدان سیمه کې د یوه پایه تلې (ترازو) تعمیر د رغونې چارې د یاد ولایت د ټولګټو رییس مولوي عبدالخالق حقمل او یو شمېر سیمه ییزو مسولینو په شتون کې پرانیسته او پیل شوې.
د دغه تلې (ترازو) تعمیر د لوړ ټناژ بار وړونکو وسایطو د وزن کنټرول په موخه فعاله او رغول کیږي، چې د ټولګټو وزارت او خصوصي شرکت ترمنځ د شاوخوا ۷.۵ میلیونه افغانيو په ارزښت قرارداد شوی ده، چې د دریو میاشتو په موده کې به یې کار بشپړ او ګټې اخیستې ته وسپارل شي.
د یاد تعمیر په رغیدو او د تلې په نصب او فعالیدو سره به د لوړ ټناژ بار وړونکو وسایطو وزن کنټرول او د سړک د لا تخریب څخه به مخنیوی وشي.