د اطلاعاتو او کلتور وزارت د هنر او کلتور مرستیال مولوي عتیق الله عزیزي په خپل کاري دفتر کې د ترکیې هېواد د همغږې او همکارې اژانس (تیکا) موسسې له مسول فاضل اکین اردوغان سره لیدنه کړې.
په دغه لیدنه کې د ټیکا موسسې مسول اکین د یادې موسسې د فعالیتونو په تړاو معلومات وړاندې کړي او ویلي يې دي؛ چې د ترکانو او افغانانو د ګډو کلتوري مشترکاتو او اوږدې ملګرتیا له مخې به د افغانستان د تاریخي ابداتو په رغونه د ملي ارشیف، هنرستان او عامه کتابتونو د تجهیز په برخه کې به خپله همکاري پراخه کړي.
اکین اردوغان زیاته کړې، د خپلو پرمختیایې او کلتور پرګرامونو له مخې به په نږدې ورځو کې د مولانا جلال الدین بلخې دوالد مدرسه او خانقا سروې او وروسته به د بیارغونې لپاره لاس په کار شي.
د هنر او کلتور مرستیال مولوي عتیق الله عزیزي د یاد موسسې له اغیزمنو فعالیتونو مننه کړې او ویلي يې دي، ترکیې تل د افغانستان سره په پرمختیایې او فرهنګي کارونو کې مرسته کړې.