د افغانستان برېښنا شرکت عمومي اجراییوي رییس ډاکټر عبدالباري عمر د ایران برېښنا رسونې (توانیر) ملي شرکت له رهبرۍ سره د ویډیو کانفرانس له لارې پر ګڼو اړخونو خبرې کړي او د دوه اړخیزه همکاریو پر دوام او پیاوړتیا یې ټېنګار کړی.
دې ویډیو کانفرانس کې د ایران له لورې د برېښنا د یو شمېر پراختیايي پروژو، د برېښنا ستونزو پر وخت حل او د بشپړې همغږۍ له مخې د چارو پرمخ وړل او تنظیم په اړه هر اړخیزې خبرې شوي.
د ایران برېښنا رسونې (توانیر) ملي شرکت رهبرۍ افغانستان کې د برېښنا انرژۍ تولید برخو کې د ایراني پانګوالو پانګونې ته لیوالتیا ښودلې.
په ورته مهال د افغانستان برېښنا شرکت عمومي رییس ډاکټر عبدالباري له لورې ورته هرکلی ویل شوی او افغانستان کې د پانګونې هر ډول اسانتیاوو برابرولو بشپړ ډاډ ورکړل شوی دی.