د هند لومړي وزیر نریندرا مودي د بریکس سرمشریزې په څنډه کې د روسیې له ولسمشر ولادیمیر پوتین سره لېدنه کړې.
په دې لېدنه کې د هند صدراعظم ویلي، اوکراین کې جګړه باید په سولهییز بڼه پاې ته ورسیږي.
نوموړي زیاته کړې؛ هند په اوکراین کې د سولې غوښتونکی دی او چمتو دی، چې له دویمې نړیوالې جګړې وروسته اروپا کې تر ټولو خونړۍ جګړې په پای ته رسولو کې مرسته وکړي.
سربېره پر دې ټاکل شوې، چې د روسیې ولسمشر د بریکس سرمشریزې په څنډه کې د ملګرو ملتونو سازمان له سرمنشي انتونیو ګوتریش سره هم لیدنه وکړي.
د یادونې وړ ده، چې د بریکس سازمان سرمشریزه د روسیې په کازان کې پيل شوې ده.