د کانونو او پټرولیم وزیر ملا هدایت الله بدري په خپل کاري دفتر کې د ننګرهار ولایت د تالک کانونو له یو شمېر قراردادیانو او کان کیندونکو سره لیدنه کړې.
په دې لیدنه کې دواړو لوریو د ننګرهار ولایت د کانونو د ښه مدیریت په اړه بحث او خبرې کړي.
همداراز یادو کانکیندونکو خپلې ستونزې او وړاندیزونه د کانونو او پټرولیم له وزیر سره شریکې کړې دي.
د کانونو او پټرولیم وزیر د کانکیندونکو وړاندیزونه او ستونزې له اوریدو وروسته ویلي؛ موږ هڅه کوو چې د تالک کانونو د معیاري او مسلکي ایستنې په موخه د کانونو ټولې سیمې سروې او بلاک بندي کړو او د هېواد دننه یې نهايي پروسس په موخه په قرارداد ورکړو.