د رياست الوزرا اداري مرستيال مولوي عبدالسلام حنفي له شيخ مفتي عبداللطيف معتصم تالقاني سره لیدنه کړې.
په دې لیدنه کې شيخ مفتي عبداللطيف معتصم تالقاني په هېواد د امنيت پر تامین او د اسلامي نظام پر ټينګښت خوښي ښودلې او ویلي يي دي، د افغانستان اسلامي امارت تر حاکميت لاندې په مختلفو برخو کې ډېر کارونه شوي دي او د ملت د خوښۍ باعث ګرځېدلي او د هېواد د ابادۍ او هوساينې په برخه کې نېک اقدام دی.
نوموړي د اسلامي امارت له مسولینو غوښتي، چې د ښوونې او روزنې سيستم پياوړتيا ته ځانګړې پاملرنه وکړي.
د رياست الوزرا اداري مرستيال نوموړي ته د ښه راغلاست ترڅنګ ویلي، اسلامي امارت د يو حکومت په توګه ځان خپل هېواد او ملت ته مسول بولي او هېوادوالو ته د هر ډول اسانتياوو رامنځته کولو او د هېواد د پرمختګ او ابادۍ لپاره په ټول توان هڅه کوي.
مولوي عبدالسلام حنفي د عامه افکارو د روښانولو او د هېواد د بچيانو د روزنې په برخه کې د علماوو پر هڅو د ټينګار ترڅنګ د وړانديزونو په اړه ویلي، اسلامي امارت به ورته رسېدنه وکړي.