د ماشومانو د ملاتړ وجهي صندوق(یونیسف) اجرایوي مشرې کاترین رسل په یوې خپره شوې اعلامیه کې ویلي، چې په تېرو ۴۸ ساعتونو کې د اسرائیلي یرغلګرو د بریدونو له امله یوازې د غزې په شمال جبالیا کمپ کې تر ۵۰ زیات ماشومان شهیدان شوي.
نوموړې زیاته کړې، چې د اسرائیلو یوې مشکوکې بېپیلوټه الوتکې جبالیا کې د ګوزڼ واکسینو پر کار کوونکو هم برید کړی دی.
د ۲۰۲۳ د اکتوبر له ۷مې راهیسې، غزه کې د صهیونیستي رژیم د بریدونو له امله ۴۳ زره او ۳۱۴ فلسطینیان شهیدان او ۱۰۲ زره او ۱۹ نور ټپيان شوي دي.