د ملي د فاع وزارت د سر مفتشيت د داخلي تفتيش معاونیت د احضاراتو د مدير ملا رحمت الله اخوندزاده په مشرۍ لوړ رتبه پلاوي د ملي دفاع وزارت او ستر درستیز مقاماتو د امرونو او لارښوونو د تطبیق په موخه د ٢٠٣ منصوري قول اردو څخه لیدنه وکړه.
د دغه لیدنې پر مهال د يادې قول اردو له قومندان قاري محمد اسماعیل راسخ، د قول اردو رییس ارکان مولوي عبدالعلي جهادیار، مدیرانو او یو شمېر کنډک مشرانو سره د قول اردو په قرار ګاه کي ګډه ناسته ترسره کړه.
چې د منسوبینو سره په ښه چلند او د وزارت د امر په اساس په جزو تامونو کې د متفرقه پخلي د مخنيوي او منسوبینو ته د ګرمې اعاشې په ورکړي او توزیع باندي خبري وشوې؛ د استازي د ښه راغلاست ترڅنګ د قول اردو قمندان قاري محمد اسماعیل راسخ د قول اردو له لوري په دې برخه کې د کړیو اجراتو او پوره همکاری ډاډ ورکړی .