له پېښو پر وړاندې د چمتووالي ملي ادارې رییس ملا نورالدین ترابي د ماین پاکۍ د نړیوالو او داخلي موسسو له مسولینو سره په خپل کاري دفتر کي لیدنه کړې.
په دې لیدنه کې ملا نورالدین ترابي د ماین پاکۍ د نړیوالو او داخلي موسسو مسولینو او استازو ته د ښه راغلاست ترڅنګ ویلي؛ په هېواد کې زیات ماینونه ښخ شوي دي، اوس چې د اسلامي امارت په راتګ سره امنیت راغلی دي باید ټول ماینونه او چاودیدونکي توکي بېرته شنډ کړل شي، ترڅو انسانان او حیوانات ورڅخه په امن کې شي.
همدازار نوموړي زیاته کړې؛ چې تر بل هر وخت اوس ښه زمینه برابره شوې ده، ترڅو یادي موسسې خپل کارونه چټک کړي او ژر تر ژره په ناچاودو توکو ککړي سیمي د ماینونو څخه پاکې کړي ترڅو خلګ د خطر څخه وژغورل شي.
دماین پاکۍ موسسو مسولینو د یادي ادارې له رییس څخه مننه ترڅنګ خوښي څرګنده کړې او ویلي یې دي، خوښ یو چې په ډاډمنه فضا او سالمه اداره کې خپل کارونه پر مخ بیایو.
دوی زیاته کړې؛ موږ په زیاته اندازه ځمکه له ماینونو او ناچاوده توکو څخه پاکه کړې ده او لاهم هڅه کوو، چې په ماینونو او ناچاودو توکو ککړې سیمې پاکې کړو.
دغهراز د موسسو مسولینو او استازو یو شمیر غوښتنې هم د ملا نورالدین ترابي سره شرکې کړې.
په ورته مهال له پیښو سره د مبارزې امادګۍ ملي ادارې رییس د یادو موسسو له مسولینو او استازو سره د دوی د غوښتنو د حل په موخه ژمنه کړې او ویلي یې دي، چې موږ به پر یادو غوښتنو باندې پوره غور وکړو او په اړه یې اړین اقدامات ترسره شي.