د ریاست الوزرا سیاسي مرستیال مولوي عبدالکبیر د لوګر ولایت د خروار ولسوالۍ د ۸۰ کلیو له استازو سره، چې یو شمېر ډلګی مشرانو، قومي مخورو او علماوو پکې ګډون درلود لیدنه کړې.
دغه لیدنه کې د یادې ولسوالۍ اوسېدونکو د اسلامي نظام په ټینګښت خوښي ښودلې او د هر راز همکارۍ او ملاتړ ډاډ یې ورکړی دی.
دوی ویلي، خروار یوه وروسته پاتې ولسوالي ده چې له پراختیایي اړخه ورته ځانګړې پاملرنه نه ده شوې.
دغهراز دوی په دې ولسوالۍ کې د سړکونو رغولو، د روغتونونو، بند جوړولو او د برېښنا د ستونزو د حل غوښتنې کړې.
د ریاست الوزرا سیاسي مرستیال مولوي عبدالکبیر یادو مشرانو ته د ښه راغلاست ترڅنګ ویلي، د ولسونو په ملاتړ د اسلامي نظام د ټینګښت او د جهاد د بریا ارمانونه پوره شوي او اوس د هېوادوالو د ستونزو د حل او د هېواد د ابادولو وخت دی.
مولوي عبدالکبیر زیاته کړې، اړونده ادارو ته به د خروار ولسوالۍ د ولسونو د حل لپاره اړینې سپارښتنې وکړي.